الجمهره - حامد زيد

الجمهــــــــــــــــــرهـ :

أي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأسترهـ
ما يملي عيون الحسود بهالزمن غير التراب
ومن لا يتوب من الخطا تحرم عليه المعذرهـ
اللي من أولها خراب أكيد تاليها خراب
والبندق اللي ما تثور في هدفها تذعرهـ
ودك إلى من جاتك الغلطه من الناس القراب
الصاحب ما كسبت محبته ما تخسرهـ
مشكلتي إني ما عرفت أحسب لصدتهم حساب
قلطتهم صدري على ذكري قصيد وحنجرهـ
صوتاً يصول بمنبره وخطاب ما بعدهـ خطاب
والطيبه اللي زعزعت صوت الخطيب ومنبرهـ
ما فيه دمعاً صوبوه أحبابي بوجهي وخاب
ولا زرق حزني على غالي ولا فج نحرهـ
كل الزهاب اللي معي ذكرى من أصحاب الزهاب
واللي بقى لي من عذاب أشرف طرقي وأخطرهـ
لأني تجنبت الغرق عديت من فوق السحاب
لأن اكثر أصحابي ورق ما شفت للطيب ثمرهـ
والله ما حطيت بين الحقد والخوهـ حجاب
حتى غدوا ربعي يحدوني على الضيق أشكرهـ
البارحه ثارت علي رقاب وأواتني رقاب
البارحه يا ثقل دم البارحه ويا محقرهـ
آهب يا وجه الحسد وشلون جمعتهم وغاب
كيف السنين اللي عطتني بعثرتهم بعثرهـ
آثر المصايب ما تجيك إلا من الناس القراب
وبهالزمن حتى الخوي اللي تثق فيه أحذرهـ
لا بارك الله في رفيقاً تزعله كلمة عتاب
ولا جمع الله الرجال اللي تفرقهم مرهـ
عودت نفسي كل ما شددت لليمه ركاب
ما أصد وجهي عن طريق إلا إلى جبت خبرهـ
الصاحب اللي ما يجي من صحبته غير العذاب
نذراً علي إن ما هجرني ولا أنا اللي بهجرهـ
من يفتح لفرقاي باب أفك له عشرين باب
وإذا خويي ما يقدر خوتي ما أقدرهـ
أن روحوا فأنا برياً منهم ليوم الحساب
وان جرحوا قولوا لهم ما حركوا في شعرهـ
شفهم لهم حول السنه ولا خذوا مني جواب
أحسن دوا للي يحاول يستفزك تحقرهـ
أنا جمعت اوراقهم بكتاب وأغلقت الكتاب
يا وقت لم اللي تلمه وأنثر اللي تنثرهـ
ما كنت أحاتيهم صغار عاد أحاتيهم شباب
أن ما ذخرني صاحبي لليوم الأسود ما أذخرهـ
عقب إكتئاب البارحه ما عاد أنا حمل إكتيئاب
الطيب جرجرني وأنا مانيب ناقص جرجرهـ
اللي يخاف من الظما يترك لنا طرد السراب
واللي مهب قد الظلام ووحشته لا يسهرهـ
أنا تجرعت الظما لين أحترق وجهي وذاب
أنا كسرت بخاطري قبل الصداقه تكسرهـ
أنا خسرت اللي غيابه غير عن كل الغياب
أنا غفرت لعالماً ما تستحق المغفرهـ
أنا أكثر إنساناً تعلم من كثر ما اخطا وأصاب
أنا أخر لسان يتكلم في زمان الثرثرهـ
أنا القصيد اللي نزع من دفتره مليون ناب
وأنا الوحيد اللي جمع مليون ناب بدفترهـ
جفني و جرحه السهر حيلي وهدته الصعاب
دمعي هدر ضحكي ندر عمري وضيعت أكثرهـ
شيبت بعقول العرب هيبت روساً ما تهاب
جمهرت ناساً عمرهم ما يعرفون الجمهرهـ
ما صرت ذيب إلا لأن اللي حواليني ذياب
ما كنت أغيب إلا لان العفو عن المقدرهـ
ترى حلاتك لا حملت لصاحبك كلمة عتاب
أن ما نطقت بها بوجهه ما تذمه بظهرهـ
بهالزمن ما يملي عيون الحسود إلا التراب
ولا الحظيظ الطلقه اللي ما تصيبه تذعرهـ
ودك إلى من جاتك الغلطه من الناس القراب
الصاحب ما كسبت محبته ما تخسرهـ

----------------------------------------

ثانكس

ولكمز
يسلمو ع المرور

تسلمييين حبيبتي Laughing

يسلمج ربي
يسلمو ع المرور حبيبتي

» الثريا- حامد زيد
» المباني-حامد زيد